Թուրքիան և Պակիստանը անցկացնում են համատեղ զորավարժություններ

թուրքիա - պակիստան

Թուրքիայի զինված ուժերի ստորաբաժանումները Պակիստանում մասնակցում են համատեղ զորավարժությունների:

«Կարմիր աստղ» անունը կրող վարժանքները մեկնարկել են փետրվարի 18-ին և կավարտվեն փետրվարի 27-ին: Համատեղ վարժանքներին մասնակցում են Թուրքիայի և Պակիստանի զինված ուժերի ռազմածովային ուժերի ստորջրյա հատուկ նշանակության ստորաբաժանումների զինծառայողները՝ փոխանցում է Թուրքիայի ԶՈւ գլխավոր շտաբի պաշտոնական կայքը: Զորավարժության ժամանակ կողմերը զարգացնելու են համատեղ գործողություններ իրականացնելու հմտությունները, իրականացնելու են փորձի փոխանակում:

Նշենք, որ Թուրքիան և Պակիստանը վերջին տարիներին հաճախ են համատեղ զորավարժություններ անցկացնում: Վարժանքներին մասնակցում են երկու երկրների՝ տարբեր զորատեսակներ ներկայացնող ստորաբաժանումներ:

1998 թվականից սկսած անցկացվում են թուրքական և պակիստանյան հատուկ նշանակության զորքերի ամենամյա վարժանքներ։ Պակիստանում անցկացվող զորավարժությունները ստացել են «Աթաթուրք» անվանումը, իսկ Թուրքիայում անցկացվող վարժանքները կրում են «Ջիննահ» անվանումը։

Աղբյուր` Թուրքագիտական պորտալ

«Թուրքագիտական պորտալում» տեղ գտած նյութերն արգելվում է արտատպել: Այս և այլ նյութերը լրատվամիջոցներում տեղադրելու համար առաջարկում ենք բաժանորդագրվել մեր լրատվական փաթեթներից մեկին և ստանալ Թուրքիայի մասին որակյալ ու հարուստ լրատվություն: Մանրամասների համար` այստեղ:

allTurkey.am

Մեկնաբանություններ