Թուրքական ամսագրի ապրիլյան համարը նվիրված է թուրքական կինոյում հայ դերասաններին, Հայոց ցեղասպանության թեմային

Թուրքիայում լույս տեսնող «Ֆիլմերի միջև» (FilmArasi) ամսագիրը, որը նվիրված է կինոյի աշխարհին, ապրիլ ամսվա համար հատուկ անդրադարձ է կատարել թուրքական կինոմատոգրաֆիայում հայերի դերին, տեղեկացնում է թուրքական «Գազետեջիլեր» լրատվակայքը:

Հոդվածը հեղինակել են ռեժիսոր Թոմրիս Գիրիթլիօղլուն և հոդվածագիր Ալին Թաշչիյանը: Ծավալուն հոդվածում տեղ են գտել մի քանի թեմաներ, այդ թվում՝ Հայոց ցեղասպանության հարցը:

Հեղինակները ներկայացրել են պատմության ընթացքում թուրքական կինոարտադրության մեջ ներգրավված հայ դերասաններին, ինչպես նաև թուրքական կինոյում հայերի կերպարներին: Ներկայացվելու է նաև տարբեր կինոգործիչների տեսակետը Հայոց ցեղասպանության թեմայի վերաբերյալ:

Հոդվածի վերաբերյալ հայտարարությունը տեղ է գտել ամսագրի շապիկին, իսկ ամսագիրը Թուրքիայում վաճառվելու է այս շաբաթվանից:

Աղբյուր` Թուրքագիտական պորտալ

«Թուրքագիտական պորտալում» տեղ գտած նյութերն արգելվում է արտատպել: Այս և այլ նյութերը լրատվամիջոցներում տեղադրելու համար առաջարկում ենք բաժանորդագրվել մեր լրատվական փաթեթներից մեկին և ստանալ Թուրքիայի մասին որակյալ ու հարուստ լրատվություն: Մանրամասների համար` այստեղ:

allTurkey.am

Մեկնաբանություններ