Թուրքիայի քրդաբնակ գյուղում, որտեղ միայն 2 ընտանիք է բնակվում, հայկական ամրոց ու գերեզման կա

Ներկայիս Թուրքիայի հարավարևելյան, մեծամասամբ քրդաբնակ Հաքքարի նահանգի Յուքսեքովա շրջանի Աքչադամ գյուղի բնակիչները հայտնել են, որ գյուղում հայկական ամրոց ու գերեզմաններ կան։ Այս մասին գրում է թուրքական «Դողան» լրատվական գործակալությունը։

«Մեզ մոտ ժամանակին հայերին պատկանած ամրոց կա, հայկական գերեզմաններ կան։ Հենց այդ պատճառով էլ մեր գյուղ երբեմն զբոսաշրջիկներ են գալիս, և դրա շնորհիվ Աքչադամը, չնայած սակավաթիվ բնակիչներ ունենալուն, ուշադրության կենտրոնում է»,- ասել են գյուղացիները։

Աքչադամում ընդամենը երկու ընտանիք է ապրում։ Բնակիչները հայտնել են, որ իրենց հարազատ գյուղը գուցեև անիծված է, սակայն իրենք սիրում են այն ու չեն պատրաստվում մյուսների պես հեռանալ։

Աղբյուր` Թուրքագիտական պորտալ

«Թուրքագիտական պորտալում» տեղ գտած նյութերն արգելվում է արտատպել: Այս և այլ նյութերը լրատվամիջոցներում տեղադրելու համար առաջարկում ենք բաժանորդագրվել մեր լրատվական փաթեթներից մեկին և ստանալ Թուրքիայի մասին որակյալ ու հարուստ լրատվություն: Մանրամասների համար` այստեղ:

allTurkey.am

Մեկնաբանություններ